‘कुंकू लावील रमान’ या सुप्रसिद्ध गीताच्या गायिका सौ.सुषमा देवी यांच्या सुमधुर बुद्ध भीम गीतांचा कार्यक्रम उद्या निलक्रांती चौक येथे डॉ. बाबासाहेब आंबेडकर जयंती निम्मित कार्यक्रमाचे आयोजन!

अहमदनगर (दि.९ एप्रिल):-विश्वरत्न डॉ. बाबासाहेब आंबेडकर यांच्या १३३ व्या जयंती निमित्त नगर शहरातील नीलक्रांती मित्र मंडळाच्या वतीने उद्या बुधवारी दि.१० रोजी महाराष्ट्राच्या ख्यातनाम सुप्रसिद्ध स्वर सम्राज्ञी ‘कुंकू लावील रमान’ आणि ‘सोन्याने भरली ओटी’ या गीताच्या गायिका सौ.सुषमा देवी यांचा सुमधुर बुद्ध भीम गीतांचा कार्यक्रम आयोजित केलेला आहे.सदरील कार्यक्रम हा दि. १० एप्रिल रोजी सायंकाळी ६.०० वा. गौतम नगर निल क्रांतीचौक येथे आयोजित केलेला आहे.तरी या कार्यक्रमाला समाज बांधव उपासक उपासिका यांनी उपस्थित राहून कार्यक्रमाची शोभा वाढवावी असे आवाहन नीलक्रांती मित्र मंडळाच्या वतीने तसेच माजी नगरसेवक अजयराव साळवे यांच्या वतीने करण्यात आले आहे.