१४ वर्षापासून दरोड्याच्या गुन्हयात फरार असलेल्या आरोपीच्या मुसक्या स्थानिक गुन्हे शाखेने आवळल्या!

नगर( प्रतिनिधी):-अहमदनगर न्यायालयाकडील दरोड्याच्या गुन्हयातील १४ वर्षापासून फरार असलेला स्टॅंडिंग वॉरंटमधील आरोपी स्थानिक गुन्हे शाखेने दि.०४/०८/२०२२ रोजी जेरबंद केलेला आहे.श्री.मनोज पाटील पोलीस अधीक्षक अहमदनगर यांनी मोहरम, रक्षाबंधन,श्रीकृष्ण जयंती,पारसी नवीन वर्ष व गोपाल काला या आगामी सण उत्सवाच्या अनुषंगाने अहमदनगर जिल्ह्यातील फरार पाहिजे आरोपी तसेच स्टॅंडिंग वॉरंट,नॉन बेलेबल वॉरंट व बेलेबल वॉरंट मधील आरोपींची माहिती काढून त्यांचे विरुद्ध कारवाई करणे बाबत श्री.अनिल कटके पोलीस निरीक्षक स्थानीक गुन्हे शाखा यांना सूचना दिल्या होत्या,नमूद सूचनांचे अनुषंगाने पोलीस निरीक्षक श्री.अनिल कटके स्थानिक गुन्हे शाखा यांनी स्थानिक गुन्हे शाखेतील पोलीस अधिकारी व अंमलदार यांचे पथकाची नेमणूक करून कारवाई करण्याबाबत आदेश दिले होते.नमूद आदेशान्वये स्थानिक गुन्हे शाखेतील पथक हे राहुरी परिसरातील अतिरिक्त जिल्हा सत्र न्यायालय अहमदनगर यांचे कडील दरोड्याच्या गुन्हयातील एसीसी क्र.१७४/२००८ मधील फरार आरोपी नामे शंकर विजय जगधने वय 32 (राहणार एकलव्य व राहुरी खु.ता.राहुरी) हा सन २००८ पासून फरार होता त्याचा राहुरी व परिसरात गुप्त बातमीदारा मार्फत माहिती घेऊन शोध घेत असताना तो त्याचे राहते घरी येणार आहे अशी खात्रीशीर माहिती मिळाल्याने पथकाने एकलव्य वसाहत राहुरी खुर्द येथे जाऊन सापळा लावून थांबलेले असताना आरोपी नामे शंकर जगधने यांचे वर्णन सारखा इसम येताना दिसला त्याला ताब्यात घेऊन त्याचे नाव गाव विचारले असता त्याने त्याचे नाव शंकर विजय जगधने (वय ३२ रा.एकलव्य वसाहत राहुरी खुर्द तालुका राहुरी) असे असल्याचे सांगितले त्याच्याकडे उपलब्ध कागदपत्रांची पडताळणी करता स्टॅंडिंग वॉरंट मधील आरोपी हाच आहे अशी स्थानिक गुन्हे शाखा पथकाची खात्री होत असल्यास ताब्यात घेऊन पुढील आवश्यक कारवाई करीत राहुरी पोलीस स्टेशन येथे हजर केले आहे.सदरची कारवाई श्री.मनोज पाटील पोलीस अधीक्षक अहमदनगर,श्रीमती.स्वाती भोर अप्पर पोलीस अधीक्षक श्रीरामपूर,श्री.संदीप मिटके उपविभागीय पोलीस अधिकारी श्रीरामपूर विभाग,श्री.अनिल कटके स्थानिक गुन्हे शाखा पोलीस निरीक्षक यांच्या सूचना व मार्गदर्शनाखाली स्थानिक गुन्हे शाखेचे सफौ/विष्णू घोडेचोर,पोना/शंकर चौधरी,पोकॉ/रोहित येमुल,पोकॉ/सागर ससाणे,पोकॉ/रणजित जाधव यांनी केलेली आहे.