भिंगार पोलीसांनी दोन जणांना केले हद्दपार!
अहदनगर (प्रतिनिधी ) भिंगार कॅम्प पोलीसांनी दोन जणांवर दोन वर्षाकरीता अहमदनगर जिल्ह्यातून हद्दपाराची कारवाई केली आहे.
फैय्याजोद्दीन अजिजोद्दीन शेख (रा . कादरी मस्जिद जवळ , मुकुंदनगर ता. जि. अहमदनगर ), पप्पू उर्फ दिनेश तुळशीराम वाघमारे (रा. हरी मळा, नगर सोलापुर रोड , अहमदनगर ) याच्यावर ही हद्दीपारीची कारवाई करण्यात आली आहे.
याबाबत समजलेले माहिती अशी की, जिल्हा पोलीस अधिक्षक मनोज पाटील, अपर पोलीस अधिक्षक सौरभकुमार अग्रवाल , नगर शहर उपविभागीय पोलीस अधिकारी अनिल कातकडे यांच्या मार्गदर्शनाखाली भिंगार कॅम्प पोलीस ठाण्याचे सपोनि शिशिरकुमार देशमुख यांनी भिंगार कॅम्प पोलिस ठाण्याकडून फैय्याजोद्दीन अजिजोद्दीन शेख, पप्पू उर्फ दिनेश तुळशीराम वाघमारे यांचेविरूद्ध उपविभागीय दंडाधिकारी नगर भाग , अहमदनगर यांच्याकडे हद्दपार प्रस्ताव पाठविण्यात आला होता. नगर प्रांताधिकारी श्रीनिवास अर्जुन यांच्या आदेशाने या भिंगारच्या दोन्ही गुन्हेगारांना अहमदनगर जिल्ह्यातून दोन वर्षाकरीता हद्दपार करण्यात आल्याचा आदेश भिंगार कॅम्प पोलीस ठाण्यात प्राप्त झाल्याने दोघा गुन्हेगारांना अहमदनगर जिल्ह्यातून दोन वर्षाकरीता हद्दपार करण्यात आले आहे. तसा अहवाल वरिष्ठांना पाठविण्यात आला आहे.
जिल्हा पोलीस अधिक्षक मनोज पाटील, अपर पोलीस अधिक्षक सौरभकुमार अग्रवाल, नगर शहर विभागीय पोलीस अधिकारी अनिल कातकडे यांच्या मार्गदर्शनाखाली भिंगार कॅम्पचे सपोनि शिशिरकुमर देशमुख, पोउपनि सतिष शिरसाठ, पोहेकाँ कैलास सोनार, पोहेकाँ अजय नगरे, पोना रेवनाथ मिसाळ, पोना भानुदास खेडकर , पोना राहुल द्वारके यांनी ही कारवाई केली आहे.
