अहमदनगर दि. 30 सप्टेंबर (प्रतिनिधी )मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना जिल्ह्यातील अवैध धंद्याचे समुळ उच्चाटन करण्याच्या दृष्टीने माहिती घेवुन कायदेशीर कारवाई करणे बाबत आदेश दिले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोउपनि/तुषार धाकराव, पोलीस अंमलदार विश्वास बेरड, गणेश भिंगारदे, संतोष लोढे, अतुल लोटके, पंकज व्यवहारे, राहुल सोळुंके, सागर ससाणे, मयुर गायकवाड, शिवाजी ढाकणे, जालींदर माने, रविंद्र घुंगासे, बाळासाहेब गुंजाळ, आकाश काळे, विशाल तनपुरे, प्रमोद जाधव,, अमोल कोतकर, अरुण मोरे यांचे पथक तयार करुन पथकास अवैध धंद्याची माहिती काढुन कारवाई करणेकामी सुचना देवुन पथकास रवाना केले.
वरील पोलीस पथक दिनांक 29/09/2024 रोजी अहमदनगर शहरामध्ये अवैध धंद्याची माहिती काढत असतांना पोलीस पथकास गुप्त बातमीदारामार्फत झेंडीगेट अहमदनगर येथे या ठिकाणी महाराष्ट्र राज्यामध्ये गोवंशी जनावरांचे कत्तल करण्याची मनाई असतांना गोवंशी जातीचे जिवंत जनावरे कत्तल करण्याचे उद्देशाने आणुन त्यांची कत्तल करत आहेत अशी बातमी मिळाल्याने सदर ठिकाणी रात्री 03.35 वा. चे सुमारास जावुन खात्री करता सदर ठिकाणी सदर ठिकाणी गोवंशीय जनावरे कत्तलीसाठी आणणारे 7 इसम अंधारामध्ये गल्लीबोळातुन पळुन गेले. पथकाने सदरठिकाणची पाहणी केली असता सदर ठिकाणी 1,02,000/- रुपये किमतीची 23 मोठी गोवंशीय जनावरे, 8 लहान वासरे, व अंदाजे 150 किलो गोवंशीय जनावरांचे खराब मांस आढळुन आले.
पथकाने पळुन गेलेल्या इसमांची माहिती काढली असता पळुन गेलेल्या इसमांची नावे 1) रोहिमुद्दीन महेबुब कुरेशी रा. झेंडीगेट, अहमदनगर, 2) वसीम अस्लम तांबोळी रा. कोठला, झेंडीगेट अहमदनगर, 3) शैबाज मजिद कुरेशी रा. व्यापारी मोहल्ला अहमदनगर, 4) अरबाज गुलाम कुरेशी रा. व्यापारी मोहल्ला, अहमदनगर, 5) आल्फेज फारुक कुरेशी रा. व्यापारी मोहल्ला, अहमदनगर, 6) सलीम शब्बीर कुरेशी, रा. व्यापारी मोहल्ला, अहमदनगर, 7) मुसा कादर शेख रा. कोठला, अहमदनगर असे असल्याचे समजले.
वरील 01 ते 07 इसमांविरुध्द पोकॉ/2383 रविंद्र तुकाराम घुंगासे नेम – स्थानिक गुन्हे शाखा अहमदनगर यांचे फिर्यादीवरुन कोतवाली पोलीस ठाणे गु.र.नं. 1073/2024 भारतीय न्याय संहिता 2023 चे कलम 271, 325, 3(5), महाराष्ट्र महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (अ)(ब) (क) 9 प्रमाणे गुन्हा दाखल करण्यात आला असुन पुढील तपास कोतवाली पोलीस ठाणे करीत आहे.
सदरची कारवाई मा. श्री. राकेश ओला साहेब, पोलीस अधीक्षक अहमदनगर, मा. श्री. प्रशांत खैरे साहेब, अपर पोलीस अधिक्षक अहमदनगर, श्री. अमोल भारती साहेब, उपविभागीय पोलीस अधिकारी, नगर शहर विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
बातमी शेअर करणायसाठी येथे क्लिक करा
