नगर शहरामध्ये गोवंशीय जनावराची कत्तल करणाऱ्या आरोपीस 1,00,200/- रुपये किमतीच्या मुद्देमालासह स्थानिक गुन्हे शाखेने केले गजाआड

अहमदनगर दि. 18 डिसेंबर (प्रतिनिधी )
मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना जिल्ह्यातील अवैध धंद्याचे समुळ उच्चाटन करण्याच्या दृष्टीने माहिती घेवुन कायदेशीर कारवाई करणे बाबत आदेश दिले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोहेकॉ/संतोष लोढे, पोकॉ/रविंद्र घुंगासे, पोकॉ/सागर ससाणे यांचे पथक नेमुण त्यांना अवैध धंद्याची माहिती काढुन कारवाई करणेकामी सुचना देवुन पथकास रवाना केले.
त्यानंतर वरील पोलीस पथक दिनांक 17/12/2023 रोजी अहमदनगर शहरामध्ये अवैध धंद्याची माहिती काढत असतांना पोलीस पथकास गुप्त बातमीदारामार्फत बाबा बंगाली मस्जिदजवळ, झेंडीगेट, अहमदनगर या ठिकाणी महाराष्ट्र राज्यामध्ये गोवंशी जनावरांचे कत्तल करण्याची मनाई असतांना गोवंशी जातीचे जिवंत जनावरे कत्तल करण्याचे उद्देशाने आणुन त्यांची कत्तल करत करत आहेत अशी बातमी मिळाल्याने सदर ठिकाणी जावुन खात्री करता दोन इसम गोवंशीय जनावरांची कत्तल करत असल्याचे दिसुन आले त्यावेळी पोलीस पथक सदर इसमांना ताब्यात घेण्यासाठी जात असतांना त्यातील एक इसम पोलीस पथकास पाहुन पळुन गेला. सदर ठिकाणी असलेल्या इसमास ताब्यात घेवुन त्यास त्याचे नांव गांव विचारता त्याने त्याचे नांव 1) रिजवान मुस्ताक शेख वय 24 वर्षे, रा. जुने तालुका पोलीस स्टेशनजवळ, झेंडीगेट, अहमदनगर असे असल्याचे सांगितले. त्यास पळुन गेलेल्या इसमाचे नांव पत्ता विचारता त्याने पळुन गेलेल्या इसमाचे नांव 2) तौसिफ मुस्ताक कुरेशी रा. हमालवाडा, झेंडीगेट अहमदनगर असे असल्याचे सांगितले.
ताब्यात घेण्यात आलेल्या इसमाचे ताब्यात 1,00,200/- रुपये किमतीचे 500 किलो गोमांस व गोवंशीय जनावरे कत्तल करण्यासाठी वापरण्यात येणारा सुरा असा मुद्देमाल जप्त करण्यात आला असुन पोकॉ/2383/ रविंद्र तुकाराम घुंगासे नेम – स्थानिक गुन्हे शाखा, अहमदनगर यांचे फिर्यादीवरुन कोतवाली पोलीस ठाणे गु.र.नं. 1531/2023 भादवि कलम 269, 429, 34 महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (क) 9 प्रमाणे गुन्हा दाखल करण्यात आला असुन पुढील कायदेशिर कारवाई कोतवाली पोलीस स्टेशन करीत आहे.
आरोपी रिजवान मुस्ताक शेख हा रेकॉर्डवरील आरोपी असुन त्याचेविरुध्द अहमदनगर जिल्ह्यामध्ये खालीलप्रमाणे गुन्हे दाखल आहेत.
अ.क्र. पोलीस स्टेशन गु.र.नं. व कलम
1. कोतवाली 208/2017 भादवि कलम 269 महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (क) 9
2. कोतवाली 438/2018 भादवि कलम 269 महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (क) 9
3. कोतवाली 5245/2020 भादवि कलम 269 महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (क) 9
सदरची कारवाई मा. श्री. राकेश ओला साो. पोलीस अधीक्षक, अहमदनगर, मा. श्री प्रशांत खैरे साहेब, अपर पोलीस अधीक्षक, अहमदनगर, मा. श्री. अनिल कातकाडे, उपविभागीय पोलीस अधिकारी, शहर विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.