अहमदनगर दि. 6 ऑगस्ट (प्रतिनिधी )
मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना जिल्ह्यातील अवैध धंद्यांची माहिती घेवुन कायदेशीर कारवाई करणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोहेकॉ/गणेश भिंगारदे, पोकॉ/आकाश काळे, बाळु खेडकर व चापोकॉ/अरुण मोरे अशांचे पथक नेमुन अवैध धंद्यांची माहिती घेवुन कारवाई करणे बाबत सुचना देवुन रवाना केले होते.
वर नमुद सुचना प्रमाणे स्थागुशा पथक दिनांक 05/08/24 रोजी अवैध धंद्यांची माहिती घेत असताना पथकास गुप्तबातमीदारा मार्फत इसम दिलीप भाऊराव दळवी हा त्याचे कोपरगांव ते येवला जाणारे रोडवर येसगांव शिवारातील प्रतिक्षा किराणा ऍ़ण्ड जनरल स्टोअर्समध्ये महाराष्ट्र राज्यात विक्रीस प्रतिबंध असलेला व शरीरास अपायकारक होईल असा गुटखा, पानमसाल्याचा साठा करुन त्याची चोरटी विक्री करतो अशी खात्रीशीर माहिती मिळाल्याने पथकाने लागलीच पंचांना सोबत घेवुन बातमीतील नमुद ठिकाणी जावुन पहाणी केली असता येसगांव, ता. कोपरगांव येथील प्रतिक्षा किराणा ऍ़ण्ड जनरल स्टोअर्स या दुकानामध्ये एक इसम गुटख्याची विक्री करतांना मिळुन आला. त्यास पोलीस पथकाची ओळख सांगुन त्याचे नाव गांव विचारले असता त्याने त्याचे नाव 1) दिलीप भाऊराव दळवी वय 53, रा. येसगांव, ता. कोपरगांव असे सांगितले.
पंचा समक्ष प्रतिक्षा किराणा ऍ़ण्ड जनरल स्टोअर्सची झडती घेता दुकानामध्ये महाराष्ट्र राज्यात विक्रीस व वाहतुकीस प्रतिबंधीत असलेला हिरा, राजनिवास, सुप्रीम, बीग व विमल असा विविध प्रकारचा पानमसाला तसेच वि-1, वि-1 बीग, रॉयल-717 असे विविध प्रकारची तंबाखु असा माल मिळुन आल्याने, इसम दिलीप दळवी यास सदर माल कोठुन आणला या बाबत विचारणा केली असता त्याने सदरचा माल हा 2) शाहबाज इब्राहिम शेख रा. मुलतानपुरा, ता. येवला, जिल्हा नाशिक (फरार) व 3) तरबेज सुलतानखॉन पठाण रा. खानगल्ली, वैजापुर, जिल्हा छत्रपती संभाजीनगर (फरार) यांचेकडुन विक्रीस आणल्याचे सांगितल्याने आरोपी नामे दिलीप भाऊराव दळवी यास हिरा, राजनिवास, सुप्रीम, बीग व विमल असा विविध प्रकारचा पानमसाला तसेच वि-1, वि-1 बीग, रॉयल-717 असे विविध प्रकारची तंबाखु असा एकुण 61,208/- रुपये किंमतीचे मुद्देमालासह ताब्यात घेवुन कोपरगांव तालुका पो.स्टे.गु.र.नं. 283/2024 भारतीय न्यास संहिता कलम 123, 223, 274, 275 3 (5) प्रमाणे गुन्हा दाखल केला आहे. पुढील कादेशिर कारवाई कोपरगांव तालुका पोलीस स्टेशन करीत आहे.
सदरची कारवाई मा. श्री. राकेश ओला साहेब.पोलीस अधीक्षक, अहमदनगर, मा. श्री. वैभव कलुभर्मे साहेब, अपर पोलीस अधिक्षक, श्रीरामपूर, मा. श्री. शिरीष वमने साहेब, उपविभागीय पोलीस अधिकारी, शिर्डी विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
बातमी शेअर करणायसाठी येथे क्लिक करा
