आमदार चषक बास्केटबॉल स्पर्धेचा शुभारंभ सावेडी मधील जॉगिंग ट्रॅक वरील बास्केटबॉल मैदानावर दोन दिवस रंगणार स्पर्धा

अहमदनगर दि.१८ जून (प्रतिनिधी)- अहमदनगर जिल्हा बास्केटबॉल संघटना तसेच अजिंक्य युवा प्रतिष्ठान, केसरी सोशल फाउंडेशन व शिवमुद्रा ग्रुप व एसबीसी बास्केटबॉल क्लब यांच्या संयुक्त विद्यमानाने व कै. सुनील मगर यांच्या स्मृतिप्रीत्यर्थ आमदार चषक बास्केटबॉल स्पर्धेचा शुभारंभ आमदार संग्राम जगताप यांच्या हस्ते नारळ वाढवून शुभारंभ करण्यात आला. या वेळी माजी.नगरसेवक अजिंक्य बोरकर, राष्ट्रवादी युवक काँग्रेसचे विधानसभा शहराध्यक्ष सुमित कुलकर्णी, राष्ट्रवादी कामगार सेनेचे जिल्हाध्यक्ष गजेंद्र भांडवलकर, कैलास शानबाग, संजय ढोणे, वेदपाल तन्वर, प्रा.सुनील जाधव, डॉ.भूषण अनभुले, शिवाजीत डोके, राष्ट्रवादी काँग्रेस क्रिडा जिल्हाध्यक्ष घनश्याम सानप, सत्येन देवळालीकर, राहुल जाधव, संजय वायकर, ओमसिंग बायस, सचिन भापकर, दिनेश भाटिया आदी मान्यवर उपस्थित होते. बास्केटबॉल मैदानावर सामने सुरू असून उद्घाटनाप्रसंगी लावण्यात आलेला सामना पुण्याची डेक्कन विरुद्ध अहमदनगरच्या डाउनटाऊन या दोन संघात सामना खेळवण्यात आला १० गुणांनी डेक्कन पुणे या संघाने हा सामना जिंकला.
मा.नगरसेवक अजिंक्य बोरकर, राष्ट्रवादी युवक काँग्रेसचे विधानसभा शहराध्यक्ष सुमित कुलकर्णी व राष्ट्रवादी कामगार सेनेचे जिल्हाध्यक्ष गजेंद्र भांडवलकर तसेच अहमदनगर जिल्हा बास्केटबॉल संघटना तसेच अजिंक्य युवा प्रतिष्ठान, केसरी सोशल फाउंडेशन व शिवमुद्रा ग्रुप व एसबीसी बास्केटबॉल क्लब यांच्या संयुक्त विद्यमानाने आमदार चषक बास्केटबॉल स्पर्धेचे आयोजन करण्यात आले आहे.
या स्पर्धेत महाराष्ट्रातून ८ संघ सहभागी झाले असून धुळे, बीड, सोलापूर, पुणे, येथून संघ दाखल झाले आहेत या सामन्यांना रेफ्रि म्हणून मुंबई येथील रशिद सर, कोल्हापूरचे आशिष सर, अहमदनगर मधील सचिन भापकर, सोलापूर येथील चपळगावकर सर, बीड येथील सचिन आळकुटे, आणि नगर शाहरतील कैलास शानबाग संजय ढोणे हे काम पाहणार आहेत. हे सामने दि.१८ जून ते १९ दरम्यान सावेडी येथील जॉगिंग ट्रॅक वर सामन्यांचा थरार रंगणार आहे व १९ तारखेला संध्याकाळी अंतिम सामना होणार आहे.