उपप्रादेशिक परिवहन कार्यालयाच्‍या मोटार वाहन निरिक्षकांचा एप्रिल मधील दौरा
अहमदनगर (प्रतिनिधी) दि.८ अहमदनगर उपप्रादेशिक परिवहन कार्यालयाच्‍या मोटार वाहन निरीक्षकांचा एप्रिल 2022 मधील शिबीर कामकाज दौरा पुढीलप्रमाणे आहे. शेवगांव ८ एप्रिल, पाथर्डी ११ एप्रिल, पारनेर १२ एप्रिल, काष्‍टी १३ एप्रिल, जामखेड १८ एप्रिल, टाकळी ढोकेश्‍वर १९ एप्रिल, चौंडी २० एप्रिल , कर्जत २२ एप्रिल प्रत्‍येक तालुक्‍यात मासिक दौ-याचा दिवस हा वर नमूद दिनांकाप्रमाणे असेल. या दिनांकाच्‍या दिवशी सार्वजनिक सुट्टी किंवा शासकीय सुट्टी जाहीर झाल्‍यास तसेच प्रशासकीय कारणास्‍तव दौरा रद्द झाल्‍यास त्‍या दिवसाच्‍या मासिक दौ-याचे कामकाज दुस-या सोयीस्‍कर दिवशी होईल व त्‍याची तारीख त्‍यावेळी जाहीर करण्‍यात येईल. या कॅम्‍पमध्‍ये अर्जदारांची अपूर्ण कागदपत्रे स्विकारली जाणार नाहीत. कॅम्‍पच्‍या कामकाजाबाबतचे शुल्‍क ऑनलाईन पध्‍दतीने भरणे बंधनकारक आहे. कॅम्‍पच्‍या ठिकाणी परराज्‍यातून आलेली वाहने तसेच बसेसची तपासणी करण्‍यात येणार नाही. ज्‍या तालुक्‍यात कॅम्‍प आयोजित करण्‍यात आलेला आहे, त्‍या तालुक्‍यातील नागरिकांचेच कॅम्‍पमध्‍ये कामकाज करण्‍यात येईल. शिबिर कामकाज ठिकाणी तपासणी होणा-या सर्व नवीन तात्‍पुरती नोंदणी झालेल्‍या परिवहनेतर संवर्गातील वाहनांचे डिस्‍क्‍लेमर असल्‍याशिवाय वाहनांची तपासणी करण्‍यात येणार नाही. संबंधितांनी याची नोंद घ्‍यावी, असे उर्मिला पवार, उपप्रादेशिक परिवहन अधिकारी, अहमदनगर यांनी प्रसिध्‍दीपत्रकाद्वारे कळविले आहे.
