देशस्तंभ ऑनलाईन न्यूज नेटवर्क :अहिल्यानगर : दि. 10 मार्च : नगर तालुका पोलीस ठाण्याच्या हद्दीत कोयत्याचा धाक दाखवून जबरी चोऱ्या करणाऱ्या भोऱ्याच्या मुसक्या एमआयडीसी पोलिसांनी आवळल्या असल्याची माहिती समोर आली आहे.
या बाबतची अधिक माहिती अशी की, एमआयडीसी पोलीस ठाण्याचे सहाय्यक पोलीस निरीक्षक माणिक चौधरी यांना विठ्ठल नवनाथ काळे उर्फ भोऱ्या (वय 18) राहणार बोल्हेगाव ता. जि. अहिल्यानगर हा नगरतालुक्यातील निमगाव घाणा येथे लपून बसला असल्याची गोपनीय माहिती मिळताच सहाय्यक पोलीस निरीक्षक चौधरी यांनी तपास पथक रवाना करत निमगाव घाणा येथील त्याच्या मामाच्या शेतात सापळा रचून त्याच्या मुसक्या आवळल्या त्याच्यावर नगर तालुक्यात 3 जबरी चोऱ्या व 1 खुनाचा प्रयत्न अशा प्रकारचे गुन्हे दाखल आहेत.
सदरची कारवाई जिल्हा पोलीस अधीक्षक सोमनाथ घार्गे,अप्पर पोलीस अधीक्षक वैभव कलुबर्मे,उपविभागीय पोलीस अधिकारी शिरीष वमने यांच्या मार्गदर्शनाखाली एमआयडीसी पोलीस ठाण्याचे सहाय्यक पोलीस निरीक्षक माणिक चौधरी,उपनिरीक्षक मनोज मोंढे,सहायक फौजदार राकेश खेडकर,पोलीस हेडकॉन्स्टेबल सचिन आडबल,पोलीस हेडकॉ संदीप पवार,पोहेकॉ राजेंद्र सुद्रिक,पोकॉ नवनाथ दहिफळे,पोकॉ अक्षय रोहोकले,पोलीसकॉन्स्टेबल ज्ञानेश्वर आघाव,पोलीस कॉन्स्टेबल जयसिंग शिंदे,पोलीस कॉन्स्टेबल राहुल गुंडू यांच्या पथकाने केली आहे.
बातमी शेअर करणायसाठी येथे क्लिक करा
