कार चालकाच्या डोक्यामध्ये हातोडा मारुन जबरी चोरी करणारे परराज्यातील 02 आरोपीस 5,06,250/- रुपये किंमतीचे मुद्देमालासह 24 तासाच्या आत स्थानिक गुन्हे शाखेने केले जेरबंद

Deshstambh27/12/2023

119

अहमदनगर दि.27 डिसेंबर (प्रतिनिधी )
प्रस्तुत बातमीची हकिगत अशी की, दिनांक 25/12/2023 रोजी फिर्यादी सचिन बापु पठारे वय 35 वर्षे, रा. पिंपळगांव कौडा, ता. जि. अहमदनगर हे त्याचेकडील हुंदाई कंपनीची ऑरा गाडी क्रमांक एम. एच.12 व्ही. व्ही. 7336 मधुन सुपा येथे त्यांचे कंपनीचे मॅनेजर यांना सोडुन घरी जात असतांना रस्त्त्याने जाणारे दोन प्रवाशांनी त्यांना हॉटेल अमृत येथे सोडणेबाबत विनंती केली असता फिर्यादी यांनी रात्रीचा वेळ असल्याने प्रवाशांना गाडीमधे बसवुन घेवुन जात असतांना रत्त्याने गाडीमध्ये मागील सिटवर बसलेल्या प्रवाशाने फिर्यादीचे डोक्यामध्ये काहीतरी टणक वस्तुने मारुन फियादीस जखम केले. व त्याचेकडील कार, मोबाईल, व रोख रक्कम असा एकुण 5,04,000/- रुपये किमतीचा मुद्देमाल जबरीने चोरुन नेला आहे. सदर घटनेबाबत सुपा पोलीस ठाणे गु.र.नं. 547/2023 भादवि कलम 394 प्रमाणे गुन्हा दाखल आहे.
सदर घटनेचे गांभीर्य लक्षात घेवुन मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना स्थानिक गुन्हे शाखेतील पोलीस अधिकारी व अंमलदार यांचे विशेष पथक नेमून गुन्ह्याचा सखोल व बारकाईने समांतर तपास करुन गुन्हयातील आरोपींचा शोध घेऊन गुन्हा उघडकिस आणणे बाबत आदेश दिले होते.
नमुद आदेशान्वये पोनि/श्री. दिनेश आहेर, स्थानिक गुन्हे शाखा, अहमदनगर यांनी स्थानिक गुन्हे शाखेतील पोहेकॉ/अतुल लोटके, पोना/रविंद्र कर्डीले, संतोष खैरे, पोकॉ/रणजीत जाधव, रविंद्र घुंगासे, भाऊसाहेब काळे, आकाश काळे, प्रशांत राठोड अशा पोलीस अंमलदार यांचे विशेष पथक नेमुण आरोपींचा शोध घेवुन कारवाई करणे बाबत सुचना दिल्या व पथके तात्काळ रवाना केली.
विशेष पथकातील पोलीस अधिकारी व अंमलदार यांनी फिर्यादीची भेट घेवुन फिर्यादीने सांगितलेल्या वर्णनाप्रमाणे सी.सी.टी.व्ही. फुटेज चेक करुन व तांत्रिक विश्लेषणाचे आधारे आरोपींचा व गुन्ह्यातील चोरी गेले कारचा शोध घेत असतांना सदरची कार ही कोपरगांव गांवचे दिशेने गेली असल्याचे दिसुन आले. पथक कोपरगांव परिसरामध्ये कारचा शोध घेत असतांना मा. पोनि श्री दिनेश आहेर यांना गुप्तबातमीदारामार्फत सदरची कार व त्यामध्ये दोन आरोपी असे कोपरगांव ते सिन्नर जाणारे रोडलगत एका पेट्रोलपंपाजवळ थांबलेले असल्याची माहिती मिळाल्याने पोनि/श्री. दिनेश आहेर यांनी प्राप्त माहिती पथकास कळवुन कार व आरोपी ताब्यात घेणेबाबत सुचना दिल्या.
पथकातील पोलीस अंमलदार हे कोपरगांव ते सिन्नर जाणारे रोडवर चोरी गेलेले कारचा शोध घेत असतांना सदरची कार ही रोडचे कडेला एका पेट्रोलपंपाजवळ उभी असल्याचे दिसुन आल्याने पथकाने सापळा रचुन कारमधील दोन आरोपींना ताब्यात घेवुन त्यांना त्यांचे नांव गांव विचारता त्यांनी त्यांची नावे 1) शिवम मातादीन गौतम वय – 20 वर्षे, रा. बिनपुर, ता. पाटीयाली, जि. करजगंज, उत्तरप्रदेश हल्ली रा. मिंडा कंपनीजवळ सुपा ता. पारनेर, 2) दुर्जन अनारसिंग गौतम वय 23 वर्षे, रा. नगलारगी, ता. पाटीयाली, जि. करजगंज, उत्तरप्रदेश हल्ली रा. मिंडा कंपनीजवळ सुपा ता. पारनेर असे असल्याचे सांगितले.
मिळुन आलेल्या आरोपींची अंगझडती घेता त्यांचे अंगझडतीमध्ये व कब्जात गुन्ह्यातील चोरीस गेली कार, मोबाईल, रोख रक्कम, गुन्ह्यात वापरलेला हातोडा असा एकुण 5,06,250/- रुपये किमतीचा मुद्देमाल हस्तगत करण्यात आला असुन त्यांना ताब्यात घेवुन पुढील तपासकामी सुपा पोलीस स्टेशन या ठिकाणी हजर करण्यात आले आहे. पुढील तपास शेवगांव पोलीस स्टेशन करीत आहे.