शेवगांव येथील प्रवाशाची सोन्याची चैन चोरणारे दोन आरोपीस 55,000/- रुपये किमतीच्या मुद्देमालासह स्थानिक गुन्हे शाखेने केले जेरबंद

अहमदनगर दि. 22 डिसेंबर (प्रतिनिधी )
प्रस्तुत बातमीची हकिगत अशी की, फिर्यादी नामे नंदकुमार दामोधर साबळे वय 60 वर्षे, रा. भगुर, ता. शेवगांव, जि. अहमदनगर हे दिनांक 22/11/2023 रोजी स्टेट बँक शेवगांव या ठिकाणी व भाजीबाजार शेवगांव या ठिकाणी जावुन घरी जात असतांना त्या दरम्यान कोणीतरी अज्ञात आरोपींनी फिर्यादीची 35,000/- रुपये किमतीची 13 ग्रॅम वजनाची सोन्याची चैन फिर्यादीचे नकळत चोरी केली होती. सदर घटने बाबत शेवगांव पोलीस स्टेशन गु.र.नं. 1092/2023 भादवि कलम 379 प्रमाणे चोरीचा गुन्हा दाखल करण्यात आला होता.
अहमदनगर जिल्ह्यामध्ये पाकीटमारीच्या घटना घडत असल्याने मा. श्री. राकेश ओला साहेब, पोलीस अधिक्षक अहमदनगर यांनी पोनि/श्री. दिनेश आहेर, स्थानिक गुन्हे शाखा अहमदनगर यांना सदर गुन्हे उघडकीस आणणेबाबत विशेष पथक नेमुण कारवाई करणे बाबत आदेश दिले होते.
नमुद आदेशा प्रमाणे पोनि/श्री. दिनेश आहेर, स्थानिक गुन्हे शाखा, अहमदनगर यांनी स्थानिक गुन्हे शाखेतील पोउपनि/मनोहर शेजवळ, पोहेकॉ/बापुसाहेब फोलाने, पोहेकॉ/संतोष लोढे, पोना/रविंद्र कर्डीले, संदीप चव्हाण, संतोष खैरे, शिवाजी ढाकणे, मेघराज कोल्हे अशा पोलीस अंमलदार यांचे पथक नेमुण ना उघड गुन्ह्यातील आरोपींची माहिती व शोध घेणे बाबत सुचना व मार्गदर्शन करुन पथकास रवाना केले होते.
स्थागुशा चे वरील पथक शेवगांव परिसरामध्ये सी.सी.टी.व्ही. फुटेज तपासुन आरोपींची माहिती काढत असतांना दिनांक 21/12/2023 रोजी पोनि श्री दिनेश आहेर स्था.गु.शा. अहमदनगर यांना गुप्त बातमीदारामार्फत सदरचा गुन्हा हा मुद्दसर सादीक सय्यद व रंगनाथ गायकवाड दोन्ही रा. पाथर्डी यांनी केला असुन ते पुन्हा चोरी करण्यासाठी पाथर्डी जुने बस स्टँड येथे आले असलेबाबत गुप्त बातमीदारामार्फत बातमी मिळाली. पोनि/श्री. दिनेश आहेर यांनी प्राप्त माहिती पथकास कळवुन खात्री करुन कारवाई करणे बाबत आदेश दिले. पोलीस पथकाने पाथर्डी जुने बस स्टँड या ठिकाणी जावुन सापळा रचुन थांबले असता पाथर्डी जुने बस स्टँड या ठिकाणी दोन इसम संशयीतरित्या फिरतांना दिसुन आले. पोलीस पथकास त्यांचा संशय आल्याने त्यांना ताब्यात घेवुन त्यांचे नांव गांव विचारता त्यांनी त्यांची नावे 1) मुद्दसर उर्फ मुज्जु सादीक सय्यद वय 19, रा. एडके, कॉलनी, पाथर्डी, ता. पाथर्डी, जि. अहमदनगर, 2) रंगनाथ दिलीप गायकवाड वय 23, रा. हंडाळवाडी, ता. पाथर्डी, जि. अहमदनगर असे असल्याचे सांगितले. सदर आरोपींची झडती घेता अंगझडतीमध्ये 55,000/- रुपये किमतीची 10 ग्रॅम वजनाची सोन्याची चैन मिळुन आली. सदर चैन बाबत त्यांचेकडे विचारपुस करता त्यांनी सदरची चैन शेवगांव या ठिकाणावरुन चोरुन आणली असल्याचे सांगितल्याने त्यांना पुढील तपासकामी शेवगांव पोलीस ठाणे या ठिकाणी हजर करण्यात आले असुन पुढील तपास शेवगांव पोलीस ठाणे करीत आहोत.

आरोपी मुद्दसर उर्फ मुज्जु सादीक सय्यद याचेविरुध्द खालीलप्रमाणे जबरी चोरीचा गुन्हा दाखल आहे.

अ.क्र. पोलीस स्टेशन गु.र.नं. व कलम
1. पाथर्डी 401/2023 भादवि कलम 392, 341

सदरची कारवाई मा. श्री. राकेश ओला साहेब, पोलीस अधीक्षक, अहमदनगर, श्री. प्रशांत खैरे साहेब, अपर पोलीस अधीक्षक, अहमदनगर व श्री. सुनिल पाटील साहेब, उपविभागीय पोलीस अधिकारी, शेवगांव विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.