शेअर मार्केटच्या नावाखाली लाखोंचा गंडा घालणारे दोन आरोपी शेवगाव पोलीसांनी केले गजाआड!

शेवगाव दि. 27 जुलै (प्रतिनिधी )
सविस्तर हकिकत आशिकी फिर्यादी नवनाथ हरिशचंद्र इसरवाडे रा. गदेवाडी ता. शेवगाव जि. अहमदनगर यांची AK ट्रेडिंग कंपणी नावाचे शेअर मार्केट गदेवाडी येथे ५,००,०००/- रुपयांची फसवणुक झाल्याचे फिर्यादीत नमुद केल्याने फिर्यादी यांचे दिलेल्या फिर्यादीवरुन शेवगांव पोलीस स्टेशन गु.र.नं.६१७/२०२४ भादवि कलम-४२०,४०९,४०६,३४ प्रमाने दिनांक-२५/०७/२०२४ रोजी गुन्हा दाखल करण्यात आला होता. सदर गुन्हा दाखल झाल्यानंतर सुनिल पाटील उपविभागीय पोलीस अधिकारी शेवगाव विभाग यांनी तपासाची चक्रे फिरवुन तपास पथक तयार करण्यात आले होते.
उपविभागीय पोलीस अधिकारी सुनिल पाटील यांना गुप्त बातमीदारामार्फत माहीती मिळाली की, नमुद गुन्ह्यातील आरोपी -१) अशोक बाबुराव कदम, २) लक्ष्मण उर्फ बबलु दत्तात्रय मडके दोघे रा.गदेवाडी ता. शेवगाव जि. अहमदनगर हे गदेवाडी तसेच बोधेगाव गावामध्ये गेल्यास नमुद गुन्ह्यातील आरोपी मिळुन येतील अशी खात्रीशीर माहीती मिळाल्याने शेवगाव पोलीस स्टेशनचे पोलीस निरीक्षक दिगंबर भदाने यांच्यासह तपास पथक रवाना करण्यात आले होते. सदर ठिकाणी तपास पथकाने आरोपीची पाहणी केली असता नमुद गुन्ह्यातील आरोपीला पोलीसांची चाहुल लागल्याने सदरचे आरोपी पळुन जात असतांना शेवगाव पोलीस स्टेशन येथील तपास पथकाने सदर आरोपीला गदेवाडी व बोधेगाव येथुन ताब्यात घेवुन नमुद गुन्ह्यात आरोपीला अटक करण्यात आली आहे. सदरची कारवाई ही पोलीस अधिक्षक राकेश ओला अहमदनगर,अपर पोलीस अधिक्षक प्रशांत खैरे अहमदनगर, मा. उपविभागिय पोलीस अधिकारी सुनिल पाटील उपविभाग शेवगांव यांचे मार्गदर्शनाखाली शेवगावचे पोलीस निरीक्षक दिगंबर भदाणे, सहाय्यक पोलीस निरीक्षक अनिल बागुल,पोलीस उपनिरीक्षक अमोल पवार, पोहेकॉ परशुराम नाकाडे, पोकॉ शाम गुंजाळ, पोकों बाप्पासाहेब धाकतोडे, पोकों संतोष वाघ, पोकों संपत खेडकर, पोकाँ एकनाथ गरकळ, पोकाँ राहुल खेडकर यांनी केली असुन पुढील तपास पोसई अमोल पवार हे करत आहेत.