स्थानिक गुन्हे शाखेची धडाकेबाज कामगिरी! पिस्तुलाचा धाक दाखवत खंडणी मागणाऱ्या तीन सराईत गुन्हेगारांना घेतले ताब्यात!

दि.११ जून ( प्रतिनिधी):-
स्थानिक गुन्हे शाखेने धडाकेबाज कामगिरी करत पिस्तुलाचा धाक दाखवत खंडणी मागणाऱ्या तीन सराईत गुन्हेगारांना ताब्यात घेतले आहे.
या बाबतची आधिक माहिती अशी की दि.२७/४/२०२२ रोजी फिर्यादी श्री.भाऊसाहेब धोंडीराम देव्हारे,वय ४८ रा.मुसळे वस्ती,लोणी तालुका राहाता यांचे इसम नामे किरण दुशिंग व इतर अज्ञात इसमांनी पिस्तुलाचा धाक दाखवून पांढऱ्या रंगाच्या कारमध्ये बसून दोन्ही हात उपरणेने बांधून जीवे ठार मारण्याच्या उद्देशाने अपहरण करून खिशातील रोख ११,५००/ रुपये व विवो कंपनीचा मोबाईल व ताब्यातील पल्सर मोटरसायकल असा एकूण ४८,५००/रू. किमतीचा मुद्देमाल काढून घेतला व मारहाण करून ३,५०,०००/रू.ची खंडणीची मागणी केली.
फिर्यादीने लोहारे गावातील मंदिरासमोर लोकांची गर्दी पाहून जीव वाचवण्यासाठी गाडीचा दरवाजा उघडून मोठमोठ्याने आरडाओरडा केल्याने तेथे जमलेल्या लोकांनी गाडी अडवताच आरोपी गाडी सोडून पळून गेले व फिर्यादी ने त्याची सुटका करून घेतली. सदर घटनेबाबत संगमनेर तालुका पोलीस स्टेशन गुरनं.१६५/२०२२ भादविक ३६४(अ),३९७,३८४,३४ सह आर्म अॅक्ट ३/२५ प्रमाणे गुन्हा दाखल करण्यात आला होता. सदर घटनेनंतर श्री.मनोज पाटील पोलीस अधिक्षक अहमदनगर यांनी पोलिस निरीक्षक श्री.अनील कटके स्थानिक गुन्हे शाखा अहमदनगर यांना सदर गुन्ह्याचा समांतर तपास करून गुन्हा तात्काळ उघडकीस आणणे बाबत आदेश दिले होते. नमूद आदेशान्वये पोलीस निरीक्षक अनिल कटके यांनी स्थानिक गुन्हे शाखेचे पोलिस अधिकारी व अंमलदार यांचे विशेष पथक नेमून तपासाबाबत सूचना दिल्या होत्या त्याप्रमाणे स्थानिक गुन्हे शाखेचे पोलिस अधिकारी व अंमलदार यांचे पथक आरोपीची माहिती प्राप्त करून शोध घेत असताना पोलिस निरीक्षक अनिल कटके यांना गुप्त बातमीदार मार्फत खात्रीशीर माहिती मिळाली की सदर गुन्ह्यातील मुख्य आरोपी किरण दुसिंग हा राहुरी एसटी स्टँड जवळ येणार आहे अशी खात्रीशीर माहिती मिळाल्याने श्री.कटके यांनी पथकास नमूद माहिती कळवून पथकास लागलीच रवाना केले. पथकातील पोसई/ सोपान गोरे,सफौ/राजेंद्र वाघ संजय खंडागळे,पोहेकॉ/बापूसाहेब फौलाणे, देवेंद्र शेलार,पोना/भीमराज खरसे, पोना/ शंकर चौधरी,रवी सोनटक्के,पोकॉ/रणजीत जाधव,चापोहेकॉ/बबन बेरड, अशांनी मिळून राहुरी येथे जाऊन वेषांतर करून सापळा लावून थांबलेले असताना आरोपी नामे किरण जोशी हा एक पांढर्‍या रंगाचे कारमधून खाली उतरताना दिसला त्याच्या ताब्यात घेऊन त्याचे नाव विचारले असता त्याने त्याचे नाव १) किरण उर्फ दत्तात्रय नानाभाऊ दुशिंग वय २७ वर्ष ,रा.उंबरे,ता.राहुरी, असे असल्याचे सांगितले त्याच्याकडे वरील नमूद गुन्ह्याबाबत चौकशी केली असता सुरुवातीला तो उडवाउडवीचे उत्तरे देऊ लागला त्यास अधिक विश्वासात घेऊन कसून चौकशी केली असता त्याने सदरचा गुन्हा हा त्याचा साथीदार नामे २)सुधीर मोकळ रा.पारेगाव ता. कोपरगाव ३) संदिप गोरडे राहणार घोगरगाव तालुका श्रीगोंदा यांनी मिळून केला असल्याचे सांगितले. नमूद माहितीच्या आधारे आरोपी नामे २) सुधीर मोकळ रा.पारेगाव खु.ता.राहाता येथे जाऊन शोध घेतला असता नमूद आरोपी हा गणेश नगर तालुका संगमनेर येथे आहे याची माहिती समजल्याने स्थानिक गुन्हे शाखेतील पथक तात्काळ गणेश नगर तालुका संगमनेर येथे जाऊन आरोग्याचा शोध घेऊन त्या शिताफीने ताब्यात घेतले त्याचे नाव विचारले असता त्याने त्याचे नाव सुधीर संपत मोकळ वय २३ रा.पारेगाव खु,ता कोपरगाव असे असल्याचे सांगितले तसेच आरोपी नामे ३) संदीप कोरडे यांचे राहते घरी घोगरगाव तालुका श्रीगोंदा येथे जाऊन आरोपीचा शोध घेतला असता तो त्याचे राहते घरी मिळून आल्याने त्यास ताब्यात घेऊन त्याचे नाव विचारले असता त्याने त्याचे नाव संदीप उर्फ बंडू रंगनाथ कोरडे वय ३२ रा. घोगरगाव तालुका श्रीगोंदा असे असल्याचे सांगितल्याने त्यास ताब्यात घेतले तसेच आरोपी नामे किरण दुशिंग याच्याकडे स्विफ्ट गाडी बाबत विचारपूस केली असता त्याने सुरुवातीस समाधानकारक माहिती दिली नाही त्याच्याकडे सखोल व बारकाईने चौकशी केली असता त्याने सदरची गाडी मध्यप्रदेश राज्यातून चोरी केली बाबत सांगितल्याने त्याच्या ताब्यातील १०,००,०००/रू किमतीच्या स्विफ्ट कार सह ताब्यात घेऊन तीनही आरोपींना संगमनेर तालुका पोलीस स्टेशन येथे मुद्देमालासह हजर केले आहे. सदरील तीनही आरोपी सराईत असून त्यांच्या विरुद्ध वेगवेगळ्या पोलिस स्टेशन मधून गुन्हे दाखल आहे.सदरची कारवाई श्री.मनोज पाटील पोलीस अधिक्षक अहमदनगर,श्री.सौरभ कुमार अग्रवाल अप्पर पोलीस अधिक्षक अहमदनगर,श्री.राहुल मदने उपविभागीय पोलिस अधिकारी संगमनेर विभाग यांच्या सूचना व मार्गदर्शनाखाली स्थानिक गुन्हे शाखा पोलीस अधिकारी व अंमलदार यांनी केली आहे.