जिल्हा विधी सेवा प्राधिकरण यांच्या माध्यमातून श्रीरामपूर येथील सहा वर्षाच्या बालकाच्या पालकांचा काही तासात शोध

अहमदनगर (प्रतिनिधी):- जिल्हा विधी सेवा प्राधिकरण अहमदनगर यांच्या माध्यमातून जिल्हा विधी सेवा प्राधिकरण सांगली यांच्या ई-मेल ला तात्काळ प्रतिसाद देऊन सहा वर्षांचा हरवलेल्या बालकाच्या आई-वडिलांचा शोध घेण्यात आला.
हरेगाव फाटा तालुका श्रीरामपूर येथील सचिन संजू पवार वय वर्ष सात ते आठ इयत्ता तिसरी मध्ये शिक्षण घेणारा मुलगा शाळा बंद असल्या कारणाने चहाच्या टपरीवर काम करत होता तसेच मुलाचे वडील संजू पवार हे हमाला चे काम करतात. त्यांच्यामध्ये घरगुती वाद झाला त्यामुळे तो घरामधून निघून गेला .तो वास्को-द-गामा निजामुद्दीन रेल्वेने विना पालक व विनातिकीट प्रवास करत असताना रेल्वे चाईल्ड लाईन १०९८ कॉल आला.
त्यानुसार मिरज रेल्वे चाईल्ड लाईन यांनी बालकाला ताब्यात घेतले व मिरज रेल्वे स्टेशन तसेच पोलीस निरीक्षक मिरज यास अल्पवयीन मुलगा विना पालक व विनातिकीट प्रवास करताना आढळून आला याबाबत कळविले अल्पवयीन बालकाला ताब्यात घेऊन त्याची चौकशी केली असता त्यांनी स्वतःचे नाव सचिन राजू पवार सांगितले व हरेगाव श्रीरामपूर येथील रहिवासी असल्याबाबत सांगितले त्यानुसार बालकाच्या पालकांचा व घराचा पत्ता शोधणे करता मिरज रेल्वे चाइल्ड लाईन यांनी जिल्हा विधी सेवा प्राधिकरण सांगली यास मुलगा सापडले बाबत व मुलाचा पत्ता शोधणे बाबत पत्राद्वारे कळविले त्यानुसार जिल्हा विधि प्राधिकरण सांगली यांनी जिल्हा विधी सेवा प्राधिकरण अहमदनगर येथे ई-मेल द्वारे बालकाचा फोटो व पालकांचा आत्ता शोधणे कामी पत्र पाठवले पत्र प्राप्त झाल्यानंतर तात्काळ रेवती रा. देशपांडे सचिव जिल्हा विधी सेवा प्राधिकरण अहमदनगर यांनी श्रीरामपूर शहर पोलीस स्टेशन श्रीरामपूर यास पत्राद्वारे अल्पवयीन बालकाच्या पालकांचा शोध घेणे बाबत कळविले तसेच जिल्हा पोलिस अधीक्षक अहमदनगर यांना ई-मेल द्वारे पत्र पाठवून मुलांच्या पालकांचा पत्ता तात्काळ शोध घेण्यासाठी विनंती केली जिल्हा पोलीस अधीक्षक मनोज पाटील अहमदनगर यांच्या निर्देशानुसार श्रीरामपूर शहर पोलीस ठाण्याच्या कर्मचाऱ्यांनी एक तासात हरेगाव फाटा श्रीरामपूर येथे मुलाचे पालकांचा शोध घेतला श्री संजू पवार हरेगाव फाटा श्रीरामपूर यास जिल्हा विधी सेवा प्राधिकरण अहमदनगर कडून पत्र देऊन मुलाबाबत कळविण्यात आले तसेच त्यास जिल्हा विधी सेवा प्राधिकरण सांगली येथील लीगल हेड हेल्पलाइन नंबर देऊन संपर्क करणे बाबत व मुलाला ताबा घेण्याबाबत कळवले. सुधाकर यार्लगड्डा अध्यक्ष जिल्हा विधी सेवा प्राधिकरण अहमदनगर यांच्या मार्गदर्शना नुसार रेवती रा. देशपांडे सचिव जिल्हा विधी सेवा प्राधिकरण अहमदनगर प्रवीण नरडेले सचिव जिल्हा विधी सेवा प्राधिकरण सांगली जिल्हा पोलीस अधीक्षक मनोज पाटील अहमदनगर यांच्या अथक प्रयत्नास यश येऊन अल्पवयीन बालकाच्या पालकाचा अवघ्या चार तासात शोध लागला.